Bon biní na Skol Marieta Alberto!
Nos ta 1!
Nos énfasis ta riba traha HUNTU pa nos logra nos vishon, mishon i meta. HUNTU nos por yuda e alumnonan tin un aña eskolar eksitoso i eksitante. Laga mi sigurá boso ku nos meta di e aña aki ta pa huntu nos krese i desaroyo den tur área ku tin.
HUNTU ku esaki ta bini kambio i HUNTU nos ta bai duna tur kambio forma. Riba tur área di edukashon nos lo hasi kambio kaminda mester i tur loke ta bon manera e mester ta por keda adaptá segun nos sigui mira desaroyonan ku ta bin den nos komunidat.
Tur opinion ta konta i HUNTU nos ta bin ku un desishon i solushon ku ta mihó pa tur konserní. Laga e aña eskolar ta yena ku alegria i ku HUNTU nos ta bai hiba e alumnonan mas dilanti sosialmente i riba tereno di konosementu.
Vishon
Skol Marieta Alberto tin komo vishon, pa duna un formashon fundamental i práktiko na tur alumno, a base di un aserkamentu profeshonal i positivo en koperashon i palabrashon ku mayor, den un ambiente strukturá i sigur, pa por funshoná mas independiente posibel den komunidat.
Mishon
Duna enseñansa na papiamentu na skol públiko sigun un plan di skol
- -teniendo kuenta ku diferensia i talento di kada alumno
- -un tim yen di amor, motivá, dediká i profeshonal
- -den un ambiente stimulante, agradabel i strukturá
- -ku material di lès moderno i adekuá.
Huntu nos ta traha ku hopi amor i dedikashon pa sigurá e alumno un formashon sigur, na Skol Marieta Alberto ZMLK/MLK.
Inskribí pa 2026 - 2027
Bo ke pa bo yu desaroyá sosialmente i kognitivamente den un ambiente di skol atraktivo? Inskribí bo yu pa e aña eskolar 2026-2027.
Inskribí Awor
