Bon Bini Na Nos Wèpsait!
Nos ta kontentu ku bo a haña bo kaminda aki. Aki bo ta deskubrí tur kos tokante nos skol, nos alumnonan, nos aktividatnan, i kiko ta hasi nos enseñansa asina spesial.
Prins Bernhardschool, situá den e dushi bario di Rio Canario, ta un lugá kaminda siñamentu ku goso ta sentral. Nos ta parti di e asosiashon di skol di e Departamentu di Skolnan Públiko (D.O.S.) i ku orguyo nos ta karga e nòmber di Su Altesa Real Prins Bernhard, un nòmber ku ta simbolisá forsa, konekshon i perseveransia. Tur dia, nos ta hasi esfuerso pa representá e nòmber aki ku dignidat i profeshonalismo.
Riba e wèpsait aki, bo ta haña informashon amplio tokante nos edukashon, nos kultura di skol, nos maestronan, i e aktividatnan ku nos ta organisá. Bo por konsultá tambe dokumentonan importante, notisianan i informashon práktiko. Si bo no por yega na nos via telefon, bo por tuma kontakto ku nos fásilmente a traves di e wèpsait aki.
Nos ta invitá bo pa tuma bo tempu pa buska i deskubrí mas tokante ken nos ta i kiko nos ta para p’e. Nos ta spera ku bo disfrutá di lesa i wak!
Vishon
Brinda un ambiente dushi, positivo i sigur kaminda e alumno por sinti su mes motivá i ku gana di bini skol tur dia pa atkerí konosementu, vishon di bida, norma i balor pa por funshoná komo un hende responsabel den nos komunidat.
Mishon
Huntu nos ke siña nos alumnonan: konosementu, aktitut, abilidat di tal manera ku nan ta forma un fundeshi pa desaroyo personal di kada alumno.
Nos alumnonan mester haña e oportunidat pa desaroyá nan mes optimal riba e terenonan: kognitivo, soshal, emoshonal, motóriko, artístiko i moralmente.
Komo future siudadanonan nos alumnonan mester por yuda nan mes (mester ta kapas pa solushona problema).
Nos meta mester ta ku durante e temporada di skol di fundeshi ta pone e base /fundamento pa nan futuro desaroyo den bida.
Durante di e tempu akí e alumnonan ta siña ademas di e abilidatnan di skibi, lesa, matemátika, tambe di ta asertivo , fleksibel , ta servisial i demostrá un grado haltu di madures , responsabilidat i konfiansa den su mes.
Inskribí pa 2026 - 2027
Duna bo yu un komienso fuerte na un skol ku kalor, struktura i kalidat — inskribí awor pa e aña eskolar 2026–2027.
Inskribí Awor
