Bon bini na skol J. W. Th. Schotborghschool
Nos skol ta un skol di bario, apesar di esei nos ta kere firmemente den e potenshal di kada alumno. Kada alumno tin su propio talento, su propio ritmo i su propio kaminda i tempu pa krese. Nos ta traha ku pasenshi, struktura i amor pa eduká tur alumno siña, deskubrí i bria na su nivel.
Nos meta ta, krea un ambiente sigur, kálido i inspirativo kaminda tur alumno por sinti su mes balorá i motivá pa logra mas tantu ku ta posibel na skol pero tambe den bida.
Vishon
Nos ta kere ku kada alumno meresé e posiblidat pa desaroyá su kapasidat kompletu,no solamente riba e área kognitivo, pero tambe áreanan sosial, emoshonal i kreativo.
Komo un skol den bario, nos ke ta un lugá sigur i habrí, kaminda nos ta brasa diversidat komo un fortales i kaminda alumno, mayornan i edukashon por kolaborá pa konsolidá un komunidat fuerte, hustu i resiliente na Kòrsou.
Nos afan pa un enseñansa ku no ta solamente pasa konosementu, sino tambe desaroyá abilidat pa bida, balor- i normanan ku ta kontribuí na rèspèt, inklushon i un sintimentu di unidat.
Mishon
Nos skol ta ofresé edukashon aksesibel i di kalidat den un ambiente kálido, habrí i sigur, kaminda tur alumno ta sinti ku nan ta aseptá i balorá. Nos ta stimulá pensamentu liber, outéntiko, trahamentu huntu i ta duna sosten èkstra kaminda mester. Kaminda ku kada alumno por desaroyá su talento o kapasidat na su propio ritmo.
Huntu ku mayornan i komunidat, nos ta krea un ambiente di enseñansa kaminda diferensianan ta keda respetá i alumno ta siña konfrontá desafionan di un sosiedat ku ta kontinuamente den desarayo, ku kurashi i resilensia.
