Bonbiní riba e wèpsait di Skol Avansá Amador Nita
Bo ta na e adrès korekto pa por haña tur informashon di nos skol.
Skol Avansá Amador Nita ta un skol di VSBO i ta situa den kurason di Parera.
SAAN ta un di e kuater skolnan di VSBO ku ta kai bou di direktiva di skolnan públiko, DOS. Nos ta e úniko skol di VSBO públiko pariba di brug.
Nos skol a keda inougurá na 1975 i su nòmber ta pa honrá e eskritor i polítiko, Amador Nita.
Nos ta invitá bo pa hasi uzo di e website aki pa bo haña hopi informashon di nos skol.
Eksito.
Vishon
Skol Avansá Amador Nita ta un skol públiko dinámiko ku ta duna un preparashon ekselente riba tereno kognitivo i sosial na su alumnonan pa pone un base pa un futuro éksitoso. Nos ta kere ku libertat, igualdat i inklusividat ta forma e base pa kresementu duradero.
Mishon
- Ofresé alumno un ambiente inspirativo kaminda ta fiha riba seguridat, trahamentu huntu i apresio pa otro.
- Pèrkurá pa material di estudio moderno i adaptá na nivel di alumno.
- Mantené un tim kualifiká i motivá pa traha den harmonia i krea un ambiente di konfiansa na skol, kaminda tur hende ta atendé na un manera korekto i respetuoso ku otro.
- Guia alumno pa ta suidadanonan kreativo, krítiko, independiente, responsabel i multifunshonal.
- Krea un sistema di kontakto estrecho ku mayor.
Balornan Núkleo
Nos balornan núkleo ta:
- Integridat
- Disiplina
- Perseveransha
- Komprenshon
- Motivashon
- Outokrítika.
Laga nos tur huntu ban sòru di sirbi hende. Asina nos tur ta sirbi pa ta hende. Un ku bo!
