Bon biní na e wèpsait di Skol M. C. Piar: Kaminda siña ta bira bida!

Inspirá pa e pasado, kla pa e futuro. Mesun kos ku nos héroe balente Manuel Carlos Piar, nos tambe ta lucha tur dia pa e oportunidatnan di nos alumnonan.

Na Skol M. C. Piar nos ta konvensí ku tur alumno tin talento úniko ku ta spera di wòrdu deskubrí. Komo un di e poko skolnan práktiko di fundeshi na Kòrsou, nos ta ofresé un lugá sigur, kaminda nos alumnonan no solamente ta siña for di buki, pero tambe ta traha ku nan mannan.

Pakiko Skol M. C. Piar ta úniko:

Nos ta ofresé mas ku solamente idioma i matemátika (sòm). Komo e úniko Skol Práktiko di Fundeshi ku un variedat asina amplio di lèsnan prátiko, nos ta duna bida na e diferente materianan. Serka nos, e alumnonan ta deskubrí nan pashon pa medio di:

• Naturalesa: Den nos “greenhouse” i kurá, e alumnonan ta siña tur kos tokante mata i mantenshon di kurá.

• Kuido i amor: Nos alumnonan ta siña responsabilidat dor di kria i kuida bestia.

• Outonomia: Den kushina nos alumnonan ta prepará e kumindanan di mas sabroso ku ingredientenan básiko durante e lèsnan di kushina.

Siña dor di hasi. Esei ta e forsa di Skol M. C. Piar. Nos ta prepará nos alumnonan pa e bida real, ku konfiansa den nan mes komo nan guia di mas importante.

Nos nota prepará alumno simplemente pa traha prueba, pero pa un lugá den nos komunidat.