Bon biní na AGO G.E.E. Kroonschool
Nos ta un skol sekundario di práktika ku ta kai bou di VSBO Juan Pablo Duarte.
Nos ta para pa Arbeids Gericht Onderwijs. Un Skol multikultural i multilingual ku ta diferensiá i forma futuro siudadano pa nos país Kòrsou i mundu. Kompetensia i abilidat ta nos kurason. Na AGO G.E.E Kroonschool nos a forma un kultura di famia kaminda huntu ku mayor, alumno, personal i aktornan den nos komunidat ta forma e Famia Kroonschool.
Vishon
Ta un skol, sin distinshon di religion i orígen sosial, ta yuda forma e alumno ku tin mester di guia, hopi struktura i práktika. Ku e meta pa hasi e alumno un persona kompetente i responsabel riba tereno sosial i merkado laboral
Mishon
- Krea un ambiente kaminda e studiante ta sinti su mes na kas. Aki e ta siña desaroyá su potensial di tal manera ku e por funshoná optimal den komunidat, pa merkado laboral.
- Promové unidat i koperashon entre alumno, maestro i mayor.
- Keda mira skol komo un parti di nos komunidat i den union ku otro aktornan kontribuí na desaroyo positivo den nos pais.
