Bon biní na e wèpsait di
Prof. Dr. I. C. van Houteschool
E skol ku ta duna edukashon adaptá na e alumno su nivel. Serka nos kada alumno ta haña atenshon individual ku ta nesesario pa un desaroyo optimal.
Nos ta un skol práktiko di fundeshi pues nos ta siña na un forma práktiko, dor di hasi. Nos mishon ta pa prepará nos alumnonan pa nan por bai funshoná den un komunidat den kua nan por ta siudadanonan responsabel i ku konfiansa den nan mes.
Kon nos por logra esaki?
- Dor di traha riba nos alumnonan su abilidatnan sosial, kaminda nan ta siña eskpresá nan mes.
- Dor di partisipá na diferente aktividat kaminda nan ta siña ta spòrtif i traha huntu ku otro.
- Dor di duna nos alumnonan tareanan spesífiko asina nan ta siña ta responsabel.
Nos ta formando raísnan fuerte pa produsí palu grandi.
Vishon
Skol Prof. I.C. van Houte ta rekonosé ku kada alumno ta úniko i ku nan tin diferente manera pa siña i desaroyá. E edukashon na nos skol ta individualisá i nos ta diferensiá segun nesesidat di kada alumno. Tambe nos ta hasi hopi aktividat den grupo, pasobra nos ta kere ku trahando hunto por stimulá desaroyo sosial, emoshonal i por mehorá e proseso di siña.
Asina nos ta traha pa krea un klima pedagógiko kaminda norma i balornan, manera pas i rèspèt ta para sentral.
Mishon
Skol Prof. Dr. I. C. van Houte ta hasi uso di plannan di akshon (adaptá na e alumno) pa di e forma aki prepará kada alumno pa e por funshoná den komunidat komo siudadano responsabel i ku konfiansa den nan mes.
Inskribí pa 2026 - 2027
Duna bo yu e oportunidat pa prosperá den un ambiente di siñamentu seif i práktiko. Aplikashonnan pa 2026–2027 ta habrí awor.
Inskribí Awor
