Bon biní riba e wèpsait di Pedro Luis Brionschool
Bo ta na e sitio korekto pa tur informashon i notisia di nos skol. Pedro Luis Brionschool ta un skol públiko pa Enseñansa di Fundeshi i ta resortá bou di Servisio di Skolnan Públiko (D.O.S.).
E skol ta karga nòmber di Almirante Luis Brion (1782-1821) ku a nase na Kòrsou. Almirante Luis Brion tabatin e sintimentu profundo di lucha pa igualdat, libertat i fraternidat pa tur ser humano. El a dediká su bida pa hasi esaki un realidat pa humanidat. Ta netamente loke skol tambe ta para p’e.
Komo skol nos ta hasi nos máksimo esfuerso pa nos alumnonan haña enseñansa, bon edukashon i formashon na nivel. Nos ke krea siudadanonan fuerte pará den nan sapatu, ku por stipulá metanan, karga nan propio responsabilidat i duna nan aporte na bienestar di nos komunidat.
Riba e sait aki bo por haña informashon tokante skol. Tambe bo por tuma kontakto ku skol via di wèpsait si no por lokalisá skol telefónikamente.
Nos ta spera tur usuario lo tin plaser pa lesa i wak riba nos wèpsait.
Vishon
Pedro Luis Brionschool ta un instituto edukashonal ku ta ofresé enseñansa den un forma dinámiko, di bon kalidat, pa desaroyá serka alumnonan abilidatnan, norma- i balornan haltu.
Mishon
Saliendo for di e punto di bista ku kada alumno ta sentral, nos kier logra huntu ku direktiva di skol, maestronan, instansianan i mayornan:
- Siguí konstantemente e progreso i desaroyo di nos alumnonan.
- Desaroyá serka e alumno, su abilidatnan kognitivo, soshal, emoshonal, kreativo, deportivo i kultural.
- Un skol kaminda kada alumno ta traha riba su propio nivel pa logra lo máksimo.
- Bon komunikashon entre skol, mayor i yu.
- Brinda un klima di instrukshon agradabel, kaminda trankilidat i siguridat ta reina.
- Hasi alumnonan mas independiente i responsabel.
- Duna balor na diferensianan den idioma i na nos sosiedat multikultural.
Inskribí pa 2026 - 2027
Duna bo yu un komienso fuerte. Aplikashonnan pa 2026 – 2027 ta habrí awor.
Inskribí Awor
