Bon biní na e wèpsait di Skol Dr. Nelly Winkel
Nos skol ta un skol spesial ku ta duna enseñansa na muchanan ku tin mester di èkstra atenshon. Ku trankilidat I pasenshi nos ta traha riba e relashon ku nos muchanan pa asina nan por tin éksito na skol i sinti e alegria di ta bai dilanti tiki tiki. Nos prioridatnan ta:
- Lesa
- Aritmétika
- Skibi
- Idioma
- Abilidatnan sosial
Nos skol ta forma parti di Direktiva di Skolnan Públiko (DOS). Pa kualke informashon, por tira bista riba nos wèpsait. Si tin mas pregunta por yama nos of pasa personalmente serka nos.
Nos ta wardabu, mayor.
Vishon
Na skol Dr. Nelly Winkel nos ta traha for di e prinsipio di whole child. Esaki ta nifiká ku nos ta mira i sostené e yu den su totalidat: kognitivamente, sosialmente, emoshonalmente, físikamente, kreativamente i moralmente. E perspektiva sentrá riba e yu aki ta forma e base di nos enseñansa.
Nos ta ofresé edukashon di kalidat enfoká riba atkerí konosementu, bista i abilidatnan ku ta pone un fundeshi sólido pa nos studiantenan su kresementu personal i partisipashon aktivo den sosiedat. Komo ku kada mucha ta úniko i ta desaroyá na nan mes ritmo, nos ta konektá ku e potensial i talentonan individual di nos studiantenan i ta traha ku metanan adaptá na nan.
Nos ta krea un ambiente edukativo sigur, saludabel i stimulante kaminda libertat, igualdat i inklusividat ta sentral. For di e fundashon aki, nos ta guia nos studiantenan den nan emansipashon, konfiansa propio, i sentido di responsabilidat, pa nan por desaroyá den individuonan independiente i resiliente ku por duna un kontribushon balioso na e sosiedat di mañan.
Mishon
Dr. Nelly Winkelschool ta un skol LOM públiko i inklusivo habrí pa tur mucha, sin importá nan antesedente, religion, antesedente kultural òf pais di orígen. Nos ta ofresé un ambiente di siñamentu dinámiko, sigur i di sosten den kua kada mucha por desaroyá den un siudadano independiente, respetuoso i sosialmente konsiente.
Nos ta boga pa oportunidatnan igual pa tur nos studiantenan dor di usa métodonan di enseñansa diverso, diferensiashon i materialnan di enseñansa adaptá. Tambe nos ta paga atenshon spesífiko na kada mucha su desaroyo sosial i emoshonal. Nos tim eksperto i dediká, inkluso un remedial teacher i un trahadó di sosten interno (IB), ta guia studiantenan na un manera profeshonal i responsabel, pa nan por sinti nan mes sigur, balorá i felis.
Huntu ku studiantenan, mayornan i e komunidat mas amplio, nos ta konstruí un ambiente di siñamentu ku ta prioridat na kresementu personal, inklusividat i kompromiso sosial.
Inskribí pa 2026 - 2027
In enim justo, rhoncus ut, imperdiet a, venenatis vitae, justo.
Nullam dictum felis eu pede mollis pretium. Integer tincidunt.
Inskribí Awor
