Bon bini na skol Chema Maduro - Angela Jessurun
Bo a yega na e lugá korekto pa haña tur informashon aktual di nos skol. Skol Integral Chema Maduro / Angela Jessurun ta un skol kaminda enseñansa ta un plaser i kaminda nos ta traha dia tras dia pa mantené ku honor e nòmbernan ku nos ta karga. Nos ta e Skol Públiko ku ta uza e idioma Papiamentu komo e idioma di instrukshon. I nos ta sinti nos orguyoso pa kontribuí na su mishon edukativo.
📍 Ubikashon
Nos skol ta situá na Kaya Beròm s/n den Montaña Abou, un komunidat vibrante kaminda nos ta inspirá i guia tur mucha pa deskubrí nan potensial.
👶 Pre-eskolar
Nos ta tuma muchanan for di 2 aña i 8 luna, duna nan un ambiente sigur i stimulante pa nan promé paso den mundu di skol.
📘 Skol di Fundeshi – Siklo 1 i 2
E nivelnan di fundeshi ta prepará nos studiante pa desaroyá konosementu básiko, abilidatnan di pensa krítiko i amor pa enseñansa.
🎨⚽🤝 Akohida den Parti Mèrdia
Den parti mèrdia nos ta ofresé programa ku ta stimulá abilidatnan artístiko, deportivo i sosial. Asina nos ta inspirá kreatividat, koperashon i un estilo di bida saludabel.
Vishon
Skol ta un komunidat di enseñansa ku ta inspirá i guia tur alumno pa deskubrí i desaroyá nan potensial den un ambiente sigur, inklusivo i motivante.
Mishon
Skol Chema Maduro - Angela Jesserun su mishon ta pa:
- • Stimulá i sostené nos maestro pa elevá kalidat di enseñansa.
- • Fortalesé kolaborashon ku famia den edukashon di e alumno.
- • Krea fasilidat atraktivo i funshonal pa inspirá enseñansa i kreatividat.
- • Promové edukashon emoshonal pa ekspreshon saludabel di sintimentu.
- • Implementá rutina di disiplina pa forma karakter i responsabilidat personal.
Inskribí pa 2026 - 2027
Inskripshon pa aña eskolar 2026–2027 ta habrí. Inscribí bo yu awe mes.
Inskribí Awor
